عرفانه ملاح
عرفانه ملاح
عرفانه ملاح: نامور اديب، ڪالمنگار ۽ عورتازاد اڳواڻ عرفانا ملاح، 27 آگسٽ 1974ع تي سيتا وليج، تعلقي دادوءَ ۾ اک کولي. ابتدائي تعليم پرائمري اسڪول سيتا وليج مان، ثانوي تعليم گورنمينٽ هاءِ اسڪول سيتا وليج مان حاصل ڪيائين، جتي سندس والد هيڊماستر هو. هن ايم. ايس. سي (ڪيمسٽري) ۾ ڪرڻ کان پوءِ مختلف نوڪريون ڪيون. تحقيق لاءِ سنڌ يونيورسٽيءَ ۾ ايم. فل پئي ڪئي ته سنڌ پبلڪ سروس ڪميشن طرفان ليڪچرار لاءِ اشتهار آيو. هوءَ سڄيءَ سنڌ ۾ پهريون نمبر آئي. سندس پهرين ملازمت آگسٽ 2000ع ۾ نذرت ڪاليج ۾ ڪيمسٽريءَ جي ليڪچرار طور ٿي. ليڪچررشپ دوران هن پنهنجي تعليم به جاري رکي. هن وقت سنڌ يونيورسٽيءَ ۾ ڪيمسٽريءَ جي شعبي ۾ پروفيسر آهي، جتان هن پي. ايڇ. ڊي به ڪئي آهي. هن جي اهم سڃاڻپ عورتازاد تحريڪ جي حوالي سان پڻ آهي ۽ وومـيـن ايڪـشـن فـورم سـان گـڏ عورتن کي شعور ۽ سجاڳي ڏيڻ لاءِ ‘وومين ريسرچ ۽ پبليڪيشن’ نالي هڪ ادارو به کوليو. ان کان سواءِ هڪ فيمنسٽ فورم پڻ کوليو، جنهن جي پليٽ فارم تان ڪجهه ورڪشاپ، سيمينار ۽ بحث مباحثن جا پروگرام جاري ڪيا، عورت جي درجي کي سمجهڻ لاءِ هن ڪافي مطالعو ڪيو ۽ ان سلسلي ۾ هن پنهنجي ملڪ اندر ٿيندڙ سيمينارن ۽ اسٽڊي سرڪلن ۾ شرڪت پڻ ڪئي آهي. هوءَ ان سلسلي ۾ ڪالم ۽ مضمون پڻ لکندي رهي ٿي ۽ عورتن جي سلسلي ۾ هلندڙ توڙي ٻين ڪرنٽ اشوز بابت ڪي. ٽي. اين چئنل تي هلندڙ پروگرامن جي ميزبان رهندي اچي ٿي. عرفانه ملاح هڪ متحرڪ شخصيت آهي. سندس رهائش ڄام شوري ۾ آهي.
لفظ عرفانه ملاحھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1974.08.27 عيسوي
نامور اديب، ڪالمنگار ۽ عورتازاد اڳواڻ عرفانا ملاح، 27 آگسٽ 1974ع تي سيتا وليج، تعلقي دادوءَ ۾ اک کولي.
شخصيتون - ڀاڱي جون ٻِيون داخلائون
عبدالرحمان جسڪاڻي ڊاڪٽراسدالله کهڙوي
چارو پرسو گدواڻي
ترون منسکاڻي
باگو چانڊيو
سيٺ طيب علي علوي
خير محمد ڏاهري
جمال خان
چاڪر خان جسڪاڻي
جهمون ڇڳاڻي